51岁生日！忆莲吹蜡烛差啲烧着头发

天后林忆莲嘅唱功就毋庸置疑，早前仲喺内地歌唱比赛节目《歌手》挥抵其他对手，成为歌王，认真厉害。而26号就系佢51岁生日，向来人缘甚佳嘅佢，当然就有唔少人同佢庆祝啦！

佢今日仲喺社交网上载咗一段庆生片，片中就见到有唔少人都同佢庆祝，而好友伦永亮亦都喺到，仲有两个心形蛋糕，非常精致，难怪忆莲笑到合唔埋口，亦话：「真心的感谢大家，你们给的生日祝福我都收到了！」睇番段片，忆莲吹蜡烛时，仲差啲烧到头发，好似冇事咋！仲有呀，唔少网友都赞绝对童颜，点睇都唔似51岁囉！

顾男友感受单文柔开餐唔埋男人堆

单文柔传与陈展鹏拍拖后人气急升，近日在将军澳出席公开活动后，离开时获粉丝主动上前邀合照，她亦友善地一一答应，然后与一班友人往附近医肚。

荣升「展鹏嫂」的她为照顾男友感受，全程避忌唔埋男仔堆，专黐女仔，食饱后与其中一名女友人搭的士前往附近屋苑，由友人按密码入大厦，逗留至晚上仍未离开。

《深宫计》美女图！古装挽手袋咩玩法？

无线小花黄心颖近日就忙于拍摄剧集《宫心计2深宫计》，呢套宫廷戏简直系美女云集，又有周秀娜、刘心悠等咁多位靓女，难怪唔少观众都话好期待呀！而心颖今日就喺社交网上载咗同成班同剧演员嘅相，仲话齐齐收到礼物，亦留言：「咁多女人真系好烦！个个都太好人，好到烦！（多谢康师父送个印有剧名嘅袋畀我地（哋），仲有住家汤喇，零食喇，生果喇，晚饭喇，mask喇，点呀。。。几时送车呀？）」

相中就见到个个如心颖、娜姐、心悠、张文慈等都围住康华，仲送晒飞吻，相当开心呀！唔少网友都大赞佢哋感情好好，仲话个袋好靓，亦有网友话呢份礼物好有心思呀！

黄翠如带你360度睇尽《溏心3》片场

无线艺员黄翠如在将军澳电视城为TVB 50周年台庆剧《溏心风暴3》开工，期间剧组为关菊英、阮兆祥、李国麟、庄思敏四位五月星辰唱生日歌，切蛋糕预祝生日，黄翠如与陈敏之更被阮兆祥钦点献吻预祝生日，气氛热闹。

黄翠如剧中暗恋大情圣黄宗泽（Bosco），但对方只当她是兄弟，翠如笑说：「之前拍咗场戏讲我借醉行凶，借醉想鍚Bosco，但系佢好粗鲁咁拒绝我，因为佢只系当我系兄弟，场戏拍得好搞笑。」

呻老公工作忙郭羡妮嗌恨生多个

艺人郭羡妮出席电台活动时，透露早前复活节跟家人齐齐到台湾玩咗4日，但因为老公有工作在身而未能通行，所以自己就要担起扶老携幼的责任。她表示女女在当地都有尝试策骑的滋味，而自己年轻时都有学过策骑，笑言可能是因为基因而令女女都好喜欢策骑：“策骑都好危险㗎，所以我千叮嘱万叮嘱要佢好小心。”

谈到女女有咩兴趣，她笑言女女喜欢跳舞、体操、自己同自己讲嘢，所以她直言都好想再生多个，但因为同老公工作都好忙碌：“希望今年可以好幸运地中奖，但老公好忙，我要自己去搵佢，都好惨㗎。”

【恭喜晒】42岁杨采妮早产诞孖仔

42岁嘅一代「玉女掌门人」杨采妮今年年头宣布怀孕5个月，佢时不时都会喺社交网站更新动向，不过就冇讲肚入面嘅BB系仔定女！

不过今日佢喺微博公布喜讯，据知佢同好姊妹李心洁一样，啱啱生咗一对孖仔，佢上载有两张蓝色被仔嘅BB床，并留言：「亲爱的小宝贝们，谢谢你们，到我们的生命里来，让我们对爱多了另一种新体悟。爸爸妈妈一直是怀着（着）感恩的心来迎接你们，我们承诺会用心爱着（着）你们，亦希望你们能在充满爱和感恩之下，健康平安地成长，拥有自己幸福的人生。在此要感谢协助我们迎接这两位小宝贝的医生和护士们、一直关心问候我们的朋友、您们的祝福和心意我们都非常珍惜，谢谢您们。」

一对孖B嘅契妈许茹芸得知杨采妮报喜后，即喺微博送上祝福：「恭喜亲爱的 干妈们非常的开心！宝贝们平安长大，辛苦妈咪了…干妈很快要去见本人，好好抱抱辛苦的妈咪」。

恭喜恭喜啦